Библия на церковно-славянском языке - транслитерация современным русским алфавитом
(1751)

Псалтирь

◄◄ | ◄ | Глава ⚫ | ► | ►►

¹ Псалом песни обновления дому Давидова.

² Вознесу Тя, Господи, яко подял мя еси, и не возвеселил еси врагов моих о мне.

³ Господи Боже мой, воззвах к Тебе, и изцелил мя еси.

⁴ Господи, возвел еси от ада душу мою, спасл мя еси от низходящих в ров.

⁵ Пойте Господеви, преподобнии Его, и исповедайте память святыни Его:

⁶ яко гнев в ярости Его, и живот в воли Его: вечер водворится плачь, и заутра радость.

⁷ Аз же рех во обилии моем: не подвижуся во век.

⁸ Господи, волею Твоею подаждь доброте моей силу: отвратил же еси лице Твое, и бых смущен.

⁹ К Тебе, Господи, воззову, и к Богу моему помолюся.

¹⁰ Кая польза в крови моей, внегда сходити ми во истление? Еда исповестся Тебе персть? Или возвестит истину Твою?

¹¹ Слыша Господь и помилова мя: Господь бысть помощник мой.

¹² Обратил еси плачь мой в радость мне, растерзал еси вретище мое и препоясал мя еси веселием,

¹³ яко да воспоет Тебе слава моя, и не умилюся. Господи Боже мой, во век исповемся Тебе.