Библия на церковно-славянском языке - транслитерация современным русским алфавитом
(1751)

Второе послание Иоанна

◄◄ | ◄ | Глава ⚫ | ► | ►►

¹ Старец избранней госпоже и чадом ея, ихже аз люблю воистинну, и не аз точию, но и вси разумевшии истину.

² За истину пребывающую в нас, и с нами будет во веки.

³ Да будет с вами благть, милость, мир от Бога Отца, и от Господа Иисуса Христа, Сына Отча, во истине и любви.

⁴ Возрадовахся зело, яко обретох от чад твоих ходящих во истине, якоже заповедь прияхом от Отца.

⁵ И ныне молю тя, госпоже, не яко заповедь пишу тебе нову, но юже имамы исперва, да любим друг друга.

⁶ И сия есть любы, да ходим по заповедем Его. Сия есть заповедь, якоже слышасте исперва, да в ней ходите:

⁷ зане мнози лестцы внидоша в мир, не исповедающе Иисуса Христа пришедша во плоти, сей есть льстец и антихрист.

⁸ Блюдите себе, да не погубите яже деласте добрая, но да мзду совершенну восприимете.

⁹ Всяк преступаяй и не пребываяй во учении Христове, Бога не имать: пребываяй же во учении Христове, сей и Отца и Сына имать.

¹⁰ Аще кто приходит к вам, и сего учения не приносит, не приемлите его в дом, и радоватися ему не глаголите.

¹¹ Глаголяи бо ему радоватися, сообщается делом его злым.

¹² Многа имех писати вам, и не восхотех хартиею и чернилом, но надеюся приити к вам и усты ко устом глаголати, да радость ваша будет исполнена.

¹³ Целуют тя чада сестры твоея избранныя. Аминь.