Библия на церковно-славянском языке - транслитерация современным русским алфавитом
(1751)

Первая книга Моисеева Бытие

◄◄ | ◄ | Глава ⚫ | ► | ►►

¹ Сия же (суть) бытия сынов Ноевых, Сима, Хама, Иафефа. И родишася им сынове по потопе.

² Сынове Иафефовы: Гамер и Магог, и Мадай и Иован, и Елиса и Фовел, и Мосох и Фирас.

³ Сынове же Гамеровы: Асханас и Рифаф и Форгама.

⁴ Сынове же Иовани: Елиса и Фарсис, Китийстии и Родийстии.

⁵ От сих разделишася острови языков (всех) в земли их: кийждо по языку в племенех своих и в народех своих.

⁶ Сынове же Хамовы: Хус и Месраин, Фуд и Ханаан.

⁷ Сынове Хусовы: Сава и Евила, и Савафа и Регма, и Савафака. Сынове же Регмановы: Сава и Дадан.

⁸ Хус же роди Неврода: сей начат быти исполин на земли:

⁹ сей бе исполин ловец пред Господем Богом: сего ради рекут: яко Неврод исполин ловец пред Господем.

¹⁰ И бысть начало царства его Вавилон и Орех, и Архад и Халанни на земли Сеннаар.

¹¹ От земли тоя изыде Ассур: и созда Ниневию, и Роовоф град, и Халах.

¹² И Дасем между Ниневиею и между Халахом: сей есть град великий.

¹³ Месраин же роди Лудиима и Неффалима, и Енеметиима и Лавиима,

¹⁴ и Патросониима и Хасмониима, отнюдуже изыде Филистиим, и Гаффориима.

¹⁵ Ханаан же роди Сидона первенца (своего) и Хеттеа,

¹⁶ и Иевусеа и Аморреа, и Гергесеа

¹⁷ и Евеа, и Арукеа и Асеннеа,

¹⁸ и Арадиа и Самареа, и Амафию. И посем разсеяшася племена Хананейская:

¹⁹ и быша пределы Хананейстии от Сидона даже приити до Герара и Газы, идуще даже до Содома и Гоморры, до Адамы и Севоима, даже до Даса.

²⁰ Сии сынове Хамовы в племенех своих, по языком своим, в странах своих и в народех своих.

²¹ И Симу родися и тому, отцу всех сынов Еверовых, брату Иафефа старейшаго.

²² Сынове Симовы: Елам и Ассур, и Арфаксад и Луд, и Арам и Каинан.

²³ И сынове Арамли: Ос и Ул, и Гатер и Мосох.

²⁴ И Арфаксад роди Каинана, Каинан же роди Салу, Сала же роди Евера.

²⁵ И родистася Еверу два сына: имя единому Фалек: во дни бо его разделися земля: и имя брату его Иектан.

²⁶ Иектан же роди Елмодада и Салефа, и Сармофа и Иараха,

²⁷ и Одорра и Евила и Декла,

²⁸ и Евала и Авимаила и Совева,

²⁹ и Уфира и Евила и Иовава: вси сии сынове Иектановы.

³⁰ И бысть селение их от Маси даже приити до Сафира, горы восточныя.

³¹ Сии сынове Симовы, в племенех своих, по языком их, в странах их и в народех их.

³² Сия племена сынов Ноевых по родом их, по языком их: от сих разсеяшася острови языков на земли по потопе.