Библия на церковно-славянском языке - транслитерация современным русским алфавитом
(1751)

Первая книга Паралипоменон

◄◄ | ◄ | Глава ⚫ | ► | ►►

¹ И сии сынове Иссахаровы: Фола и Фуа, и Ясув и Сомврам, четыре.

² Сынове же Фолы: Озий и Рафеа, и Иериил и Амин, и Иаффам и Самуил, князи по домом отечеств их, иже от колена Фолина, крепцы силою по родом их, ихже число во дни Давидовы двадесять и две тысящы и шесть сот.

³ Сынове же Озиины Иезрий, и сынове Иезриины Михаил и Авдиа, и Иоиль и Иесиа, пять всех князей.

⁴ И с ними по родом их, по домом отечеств их, препоясани и сильни ко ополчению на брань, тридесять и шесть тысящ: много бо имеша жен и сынов.

⁵ Братия же их во всех племенех Иссахаровых крепцы силою, осмьдесят и седмь тысящ сочтение всех их.

⁶ Сынове же Вениаминовы: Валай и Ховор и Иедиил, три.

⁷ Сынове же Вллаевы: Есевон и Озиа, и Озиил и Иеримуф и Уриа, пять князей домов отечеств их, крепцы силою, и число их двадесять и две тысящы и тридесять четыре.

⁸ Сынове же Ховоровы: Замириа и Иоав, и Елиезер и Елиана, и Амариа и Иеримуф и Авиа и Анафоф и Елмефем: вси сии сынове Ховоровы.

⁹ Сочтение же их по родом их, князи домов отечеств их, крепцы силою, двадесять тысящ и двести.

¹⁰ Сынове же Иедиилевы Валаам, и сынове Валаамовы Иеос и Вениамин, и Аоф и Аханаан, и Зифан и Фарсис и Асаир:

¹¹ вси сии сынове Иедиилевы, князи племен крепчайшии силою, седмьнадесять тысящ и двести ко ополчению с силою исходящии.

¹² И Сафан и Ифан, сынове Иеримуфовы, Есуд сын его,

¹³ Неффалим сын его, и Есиил и Гоини, и Иесер и Селлим, сынове его, Валаам сын его.

¹⁴ Сынове Манассии: Езриил, егоже роди наложница его Сира, роди же ему и Махира отца Галаадова.

¹⁵ Махир же поят жену Офирови и Сафинови, и имя сестре его Мооха, имя же второму Салпаад. Родишажеся Салпааду дщери.

¹⁶ И роди Мооха жена Махирова сына и нарече имя его Фарес: и имя брату его Сороор: и сынове его Улам и Ракам.

¹⁷ Сынове же Уламовы Валаам: сии сынове Галаада сына Махирова сына Манассиева.

¹⁸ Сестра же его Малехеф роди Иесуда и Авиезера и Маалу.

¹⁹ Беху же сынове Семира: Аим и Сихем, и Докиим и Ениам.

²⁰ Сынове же Ефремли Фусалам, и Раам сын его, и Фаам сын его, и Елаад сын его, и Фаа сын его,

²¹ и Завад сын его, и Софела сын его, и Езер и Езлада. Убиша же их мужие Гефстии, иже родишася в земли той: зане изыдоша взяти скоты их.

²² И плакася Ефрем отец их многи дни: и приидоша братия его, да утешат его.

²³ И вниде к жене своей: и зача во чреве, и роди сына, и нарече имя его Вариа, яко в злых дому его рожден есть.

²⁴ Дщи же его Сараа, и бо оных оставшихся: и созда Вефорон нижний и вышний и Садру.

²⁵ Рафай же сын его, и Расеф и Фалай сынове его, и Фаан сын его,

²⁶ и Ладан сын его, и Амиуд сын его, Елисама сын его,

²⁷ Рун сын его, Иосий сын его.

²⁸ И одержание их и обитание их Вефиль и веси его противу востока Наараня, и к западней стране Газера и веси его, и Сихем и веси его даже до Газы и веси ея,

²⁹ и даже до предел сынов Манассииных, Вефсан и веси его, Фанаах и веси его, и Магеддон и веси его, Дор и веси его: в тех вселишася сынове Иосифа сына Израилева.

³⁰ Сынове Асировы: Иамна и Есуд, и Иесуе и Вариа, и Сарреа сестра их.

³¹ Сынове же Вариевы Ховер и Мелхиил: сей отец Завефов.

³² И Ховер роди Иафлета и Сомира, и Хофана и Сулу сестру их.

³³ И сынове Иафлетовы: Фасех и Амамааф и Асоаф: сии сынове Иафлетовы.

³⁴ Сынове же Сомировы: Ихиур, Равгоа и Иава и Арам.

³⁵ Сынове же Асуда брата его: Софа и Иамна, и Елим и Алам.

³⁶ Сынове Софовы: Суе, Ариафер и Суан, и Ворин и Имрам,

³⁷ и Васар и Иуд, и Самма и Селимван, и Иефран и Веера.

³⁸ Сынове же Иеферовы: Иефон и Фасфа и Арей.

³⁹ Сынове же Олани: Орех и Аниил и Расиа.

⁴⁰ Вси сии сынове Асировы, вси князи домов отечества избраннии и крепцы силою, князи, воеводы: сочтение их во время брани на ополчение двадесять шесть тысящ мужей.