Бiблiя беларуская - пераклад Василя Сёмухи
(1995, Минск)

Псалтыр

◄◄ | ◄ | Глава ⚫ | ► | ►►

¹ Псальма. Песьня. Сыноў Карэевых.

² Падмурак ягоны на горах сьвятых. Гасподзь любіць браму Сіёна больш за ўсе паселішчы Якава.

³ Славутае абвяшчаецца пра цябе, горадзе Божы!

⁴ Згадаю тым, хто знае мяне, пра Раава і Вавілон; вось Філістымляне, і Тыр з Эфіопіяю, - скажуць: "такі-а-такі нарадзіўся там".

⁵ А пра Сіён казаць будуць: "такі-а-такі і такі-а-такі муж нарадзіўся ў ім, і Сам Усявышні ўмацаваў яго".

⁶ Гасподзь у перапісе народу напіша: "такі-а-такі нарадзіўся там".

⁷ І ўсе, хто сьпявае і грае, - усе крыніцы мае ў табе.