Бiблiя беларуская - пераклад Василя Сёмухи
(1995, Минск)

Псалтыр

◄◄ | ◄ | Глава ⚫ | ► | ►►

¹ Псальма Асафава. Бог стаяў у гурце багоў; сярод багоў правіў суд:

² дакуль будзеце вы судзіць несправядліва і патураць бязбожным?

³ Чынеце суд беднаму і сіраце; прыгнечанаму і гаротнаму справядлівасьць рабеце;

⁴ вызваляйце беднага і ўбогага; вырывайце яго з рук бязбожнікаў.

⁵ Ня ведаюць, не разумеюць, у цемрадзі ходзяць; усе асновы зямлі хістаюцца.

⁶ Я сказаў: вы - багі, і сыны Ўсявышняга - усе вы;

⁷ але вы памраце, як людзі, і ўпадзяце, як кожны з князёў.

⁸ Паўстань, Божа, судзі зямлю, бо Ты спадкуеш усе народы.