Бiблiя беларуская - пераклад Василя Сёмухи
(1995, Минск)

Псалтыр

◄◄ | ◄ | Глава ⚫ | ► | ►►

¹ Кіроўцу хору. Псальма Давідава.

² Пачуй, Божа, голас мой у малітве маёй; ад страху ворага душу маю аслані.

³ Ахавай мяне ад намыслаў падступных, ад бунту злыдняў,

⁴ якія язык свой навастрылі, як меч; напнулі лук свой - слова зьедлівае,

⁵ каб употай страляць у беззаганнага; яны зьнянацку страляюць па ім, і не баяцца.

⁶ Яны ўмацавалі сябе ў намеры ў ліхім; змовіліся таемна сеткі паставіць; казалі: хто іх убачыць?

⁷ Яны крыўды шукаюць, віжуюць і сочаць і падкопваюцца да нутра чалавечага і да глыбіняў сэрца.

⁸ Але Бог паб]е іх стралою: зьнянацку будуць яны пацэлены.

⁹ Языком сваім яны заб'юць самі сябе; усе, хто іх бачыць, адыдуць ад іх.

¹⁰ І збаяцца ўсе людзі, і абвесьцяць дзею Божую, і зразумеюць, што гэта дзея Яго.

¹¹ А праведны ўзьвесяліцца ў Богу і на Яго спадзявацца будзе; і пахвалены будуць усе справядлівыя сэрцам!