Бiблiя беларуская - пераклад Василя Сёмухи
(1995, Минск)

Псалтыр

◄◄ | ◄ | Глава ⚫ | ► | ►►

¹ Кіроўцу хору. На струнных. Вучэньне Давідава,

² калі прыйшлі Зіфэі і сказалі Саўлу: "ці ня ў вас хаваецца Давід?"

³ Божа! імем Тваім уратуй мяне, і сілаю Тваёю судзі мяне.

⁴ Божа! пачуй малітву маю; уваж словам вуснаў маіх,

⁵ бо на мяне чужыя паўсталі, і дужыя шукаюць душы мае; яны ня маюць Бога перад сабою.

⁶ Вось, Бог мой памочнік; Гасподзь мацуе душу маю.

⁷ Ён за зло ворагаў маіх пакарае; ісьцінай Тваёю зьнішчыць іх.

⁸ Я рупліва ахвяру Табе прынясу, праслаўлю імя Тваё, Госпадзе, бо яно добрае,

⁹ бо Ты выбавіў мяне ад усіх нягодаў, і на воргаў глядзела вока маё.