Бiблiя беларуская - пераклад Василя Сёмухи
(1995, Минск)

Псалтыр

◄◄ | ◄ | Глава ⚫ | ► | ►►

¹ Кіроўцу хору. Псальма Давідава.

² Хай пачуе цябе Гасподзь у дзень скрухі, хай абароніць цябе імя Бога Якаўлевага.

³ Хай пашле табе дапамогу са Сьвятыні, і зь Сіёна хай падмацуе цябе.

⁴ Хай успомніць усе прынашэньні ахвяраў твае і цэласпаленьне тваё хай зробіць тлустым.

⁵ Няхай дасьць табе, што па сэрцы табе, і ўсе намеры твае няхай выканае.

⁶ Мы парадуемся выратаваньню твайму, і ў імя Бога нашага падымем сьцяг. Няхай выканае Гасподзь усе просьбы твае.

⁷ Сёньня спазнаў я, што Гасподзь ратуе памазанца Свайго; адказвае яму са сьвятых нябёсаў Сваіх магутнасьцю ратавальнай правіцы Сваёй.

⁸ Некаторыя калясьніцамі, некаторыя конямі, а мы імем Госпада, Бога нашага, хвалімся:

⁹ яны пахіснуліся, і ўпалі, а мы ўсталі, і стаім проста.

¹⁰ Госпадзе! уратуй цара, і пачуй нас, калі паклічам.