Бiблiя беларуская - пераклад Василя Сёмухи
(1995, Минск)

Эздра

◄◄ | ◄ | Глава ⚫ | ► | ►►

¹ Вось сыны краіны з палонных перасяленьня, якіх Навухаданосар, цар Вавілонскі, завёў у Вавілон, якія вярнуліся ў Ерусалім і Юдэю, кожны ў свой горад,

² якія прыйшлі з Зарававэлем, Ісусам, Нээміем, Сараем, Рээлаем, Мардахэем, Білшанам, Місфарам, Бігваем, Рэхумам, Ваанам. Колькасьць людзей народу Ізраілевага:

³ сыноў Пароша дзьве тысячы сто семдзесят два;

⁴ сыноў Сафатыі трыста семдзесят два;

⁵ сыноў Араха сямсот семдзесят пяць;

⁶ сыноў Пахат-Маава, з сыноў Ісуса і Ёава, дзьве тысячы васямсот дванаццаць;

⁷ сыноў Элама тысяча дзьвесьце пяцьдзясят чатыры;

⁸ сыноў Затуя дзевяцьсот сорак пяць;

⁹ сыноў Закхая сямсот шэсьцьдзясят;

¹⁰ сыноў Ванія шасьцьсот сорак два;

¹¹ сыноў Бэбая шасьцьсот дваццаць тры;

¹² сыноў Азгада тысяча дзьвесьце дваццаць два;

¹³ сыноў Аданікама шасьцьсот шэсьцьдзясят шэсьць;

¹⁴ Сыноў Бігвая дзьве тысячы пяцьдзясят шэсьць;

¹⁵ сыноў Адына чатырыста пяцьдзясят чатыры;

¹⁶ сыноў Атэра, з дома Эзэкіі, дзевяноста восем;

¹⁷ сыноў Бэцая трыста дваццаць тры;

¹⁸ сыноў Ёры сто дванаццаць;

¹⁹ сыноў Хашума дзьвесьце дваццаць тры;

²⁰ сыноў Гібара дзевяноста пяць;

²¹ ураджэнцаў Віфляема сто дваццаць тры;

²² жыхароў Нэтофы пяцьдзясят шэсьць;

²³ жыхароў Анатота сто дваццаць восем;

²⁴ ураджэнцаў Азмавэта сорак два;

²⁵ ураджэнцаў Кірыят-Ярыма, Кефіры і Бээрота сямсот сорак тры;

²⁶ ураджэнцаў Рамы і Гэвы шасьцьсот дваццаць адзін;

²⁷ жыхароў Міхмаса сто дваццаць два;

²⁸ жыхароў Вэтыля і Гая дзьвесьце дваццаць тры;

²⁹ ураджэнцаў Нэва пяцьдзясят два;

³⁰ ураджэнцаў Магбіша сто пяцьдзясят шэсьць;

³¹ сыноў другога Элама тысяча дзьвесьце пяцьдзясят чатыры;

³² сыноў Харыма трыста дваццаць;

³³ ураджэнцаў Ліды, Хадыда і Она сямсот дваццаць пяць:

³⁴ ураджэнцаў Ерыхона трыста сорак пяць;

³⁵ ураджэнцаў Сэнаі тры тысячы шасьцьсот трыццаць.

³⁶ Сьвятароў: сыноў Едаі, з дому Ісусавага, дзевяцьсот семдзесят тры;

³⁷ сыноў Пашхура тысяча дзьвесьце сорак сем;

³⁸ сыноў Харыма тысяча сямнаццаць.

³⁹ Лявітаў: сыноў Ісуса і Кадмііла, з сыноў Гадавіі, семдзесят чатыры;

⁴⁰ сьпевакоў; сыноў Асафа сто дваццаць восем;

⁴¹ сыноў брамнікаў: сыны Шалума, сыны Атэра, сыны Талмона, сыны Акува, сыны Хатыты, сыны Шавая, - усяго сто трыццаць дзевяць.

⁴² Нэтынэяў: сыны Цыхі, сыны Хасуфы, сыны Табаота,

⁴³ сыны Кероса, сыны Сіягі, сыны Фадона,

⁴⁴ сыны Лебаны, сыны Хагабы, сыны Акува,

⁴⁵ сыны Хагава, сыны Шамлая, сыны Ханана,

⁴⁶ сыны Гідэла, сыны Гахара, сыны Рэаі;

⁴⁷ сыны Рэцына, сыны Нэкоды, сыны Газама,

⁴⁸ сыны Узы, сыны Пасэаха, сыны Бэсая,

⁴⁹ сыны Асны, сыны Мэўніма, сыны Нэфісіма,

⁵⁰ сыны Бакбука, сыны Хакуфы, сыны Хархура,

⁵¹ сыны Бацлута, сыны Мэхіды, сыны Харшы,

⁵² сыны Баркоса, сыны Сісры, сыны Тамаха,

⁵³ сыны Нэцыяха, сыны Хатыфы.

⁵⁴ Сыны рабоў Саламонавых: сыны Сатая, сыны Гасафэрэта, сыны Фэруды,

⁵⁵ сыны Яалы, сыны Даркона, сыны Гідэла,

⁵⁶ сыны Сэфатыі, сыны Хатыла, сыны Похэрэт-Гацэбаіма, сыны Амія,

⁵⁷ усяго - нэтынэяў і сыноў рабоў Саламонавых трыста дзевяноста два.

⁵⁸ І вось тыя, што выйшлі Тэлмэлаха, Тэл-Харшы, Хэруб-Адан-Імэра, якія не маглі паказаць пра пакаленьне сваё і пра племя сваё - ці зь Ізраіля яны:

⁵⁹ сыны Дэлая, сыны Товія, сыны Нэкоды, шасьцьсот пяцьдзясят два.

⁶⁰ І з сыноў сьвятарскіх: сыны Хабая, сыны Гакоца, сыны Вэрзэлія, які ўзяў жонку з дачок Вэрзэлія Галаадыцяніна і пачаў называцца імем іхнім.

⁶¹ Яны шукалі свайго запісу радавода, і не знайшлося яго, а таму выключаны са сьвятарства.

⁶² І Тыршата сказаў ім, каб яны ня елі вялікай сьвятыні, пакуль не паўстане сьвятар з урымам і тумімам.

⁶³ Усё супольства разам складалася з сарака двух тысяч трохсот шасьцідзесяці чалавек,

⁶⁴ акрамя рабоў іхніх і рабыняў іхніх, якіх было сем тысяч трыста трыццаць сем; і пры іх сьпевакоў і пясьнярак дзьвесьце.

⁶⁵ Коней у іх сямсот трыццаць шэсьць, кабыл у іх дзьвесьце сорак пяць.

⁶⁶ вярблюдаў у іх чатырыста трыццаць пяць, аслоў шэсьць тысяч сямсот дваццаць.

⁶⁷ З узначальнікаў пакаленьняў некаторыя, прыйшоўшы да дома Гасподняга ў Ерусаліме, дабрахотна ахвяроўвалі на дом Божы, каб аднавіць яго на падмурку ягоным.

⁶⁸ Паводле дастатку свайго, яны далі ў скарбніцу на працу шэсьцьдзясят адну тысячу драхмаў золата і пяць тысяч мінаў срэбра і сто сьвятарскіх вопратак.

⁶⁹ І пачалі жыць сьвятары і лявіты, і народ і сьпевакі, і брамнікі і нэтынэі ў гарадах сваіх, і ўвесь Ізраіль ў гарадах сваіх.